Iisang Wika 

Isang kultura, puno't dulo ng kalayaan

Ina at dahilan ng pagkakaisa at ng kasarinlan

Wikang Filipino ang siyang pangalan

Sanhi ng pagkakasundo't maging ang pagtutulungan

Salitang gamit ng lahat

Upang mga taksil ay maisiwalat

Luzon, Visayas, sa lahat ng lugar

Wika ng pagkakaisa ang siyang nabubulgar

Sapagkat ang wika'y, siyang tumanglaw

Sa bansang tahanang ating tinatanaw

Instrumentong hatid ay pag-uunawaan,

Wika ng kapayapaan, hatid ay bayanihan

Panlahat na wika saan man bumagtas
Bayang sinakop, nagsilbi itong lunas
Lakas ng Pilipino sa tuwid na landas
Wikang Filipino, kayamana't hiyas.